വോള്‍വോ EX30 ഇലക്ട്രിക് കാര്‍ ഈ ഉത്സവ സീസണില്‍ 39,99,000 രൂപയ്ക്ക് സ്വന്തമാക്കാം. 41,00,000 രൂപയാണ് എക്‌സ്‌ഷോറൂം വില. 2025 ഒക്ടോബര്‍ 19 ന് മുമ്പ് ബുക്ക് ചെയ്യുന്നവര്‍ക്കാണ് ഈ ഓഫര്‍ ലഭിക്കുക. അഞ്ച് നിറങ്ങളില്‍ കാര്‍ ലഭ്യമാകും. 2025 നവംബര്‍ ആദ്യ ആഴ്ചയില്‍ ഡെലിവറി ആരംഭിക്കും.
ബെംഗളൂരുവിലെ ഹൊസക്കോട്ടിലുള്ള കമ്പനി പ്ലാന്റില്‍ അസംബിള്‍ ചെയ്യുന്ന, വോള്‍വോ കാര്‍ ശ്രേണിയിലെ മൂന്നാമത്തെ ഇവി മോഡലാണിത്. ഓരോ EX30 യിലും സ്റ്റാന്‍ഡേര്‍ഡ് ഓഫറായി 11-kW ചാര്‍ജര്‍ ഉണ്ട്. സുസ്ഥിര മൊബിലിറ്റി, നൂതന സാങ്കേതികവിദ്യ, ഭാവിക്കു വേണ്ടിയുള്ള രൂപകല്‍പ്പന, വിട്ടുവീഴ്ചയില്ലാത്ത സുരക്ഷ എന്നീ സവിശേഷതകളോടെ വോള്‍വോയുടെ പ്രതിബദ്ധത പൂര്‍ണമായും സാക്ഷാത്കരിക്കുന്ന വിധമാണ് ഇതിന്റെ രൂപ കല്‍പന.
ഇന്ത്യന്‍ വിപണിയിലെ ഉപഭോക്താക്കള്‍ക്കായി ഇത്രയും വിസ്മയകരമായ നിരക്കില്‍ വോള്‍വോ EX30 അവതരിപ്പിക്കാന്‍ സാധിച്ചതില്‍ അതിയായ സന്തോഷമുണ്ടെന്ന് വോള്‍വോ കാര്‍ ഇന്ത്യ മാനേജിങ് ഡയറക്ടര്‍ ജ്യോതി മല്‍ഹോത്ര പറഞ്ഞു. ”കരുത്ത്, രൂപഭംഗി, ആഡംബരം എന്നിവ ഇഷ്ടപ്പെടുന്ന പുതുതലമുറയെ ആകര്‍ഷിക്കാന്‍ ഈ മോഡലിനാകുമെന്ന് ഞങ്ങള്‍ കരുതുന്നു. പ്രകടന മികവ്, വിപുലമായ ശ്രേണി, ആധുനികരൂപം, അനായാസം സ്വന്തമാക്കാനുള്ള സൗകര്യം എന്നിവ കൊണ്ട് EX30 ഉപഭോക്താക്കളുടെ ഇവി അനുഭവത്തെ പുനര്‍ നിര്‍വചിക്കും.”
വോള്‍വോയുടെ ഇതുവരെ പുറത്തിറങ്ങിയ ഇലക്ട്രിക് കാറുകളില്‍ ഏറ്റവും കുറഞ്ഞ കാര്‍ബണ്‍ ബഹിര്‍ഗമനത്തോത് ഉള്ള കാറാണ് EX30. ഡെനിം, പെറ്റ് ബോട്ടില്‍, അലൂമിനിയം, പിവിസി പൈപ്പുകള്‍ തുടങ്ങിയവ പുനരുപയോഗിച്ചാണ് ഇതിന്റെ ആകര്‍ഷകമായ ഇന്റീരിയര്‍ തയാറാക്കിയിരിക്കുന്നത്. നിര്‍മാണത്തില്‍ സ്‌കാന്‍ഡിനേവിയന്‍ ഡിസൈനുകളും ആധുനിക സാങ്കേതിക വിദ്യയും സമന്വയിപ്പിച്ച EX30 യൂറോ NCAP സുരക്ഷാ പരിശോധനയില്‍ ഫൈവ് സ്റ്റാര്‍ റേറ്റിങ് നേടിയിട്ടുണ്ട്. വാഹനങ്ങള്‍ തമ്മിലുള്ള കൂട്ടിയിടി കുറയ്ക്കാനായി ഇന്റര്‍സെക്ഷന്‍ ഓട്ടോ-ബ്രേക്ക്, ഡോര്‍ അപ്രതീക്ഷിതമായി തുറക്കുമ്പോള്‍ സംഭവിക്കുന്ന അപകടങ്ങള്‍ തടയാനായി ഡോര്‍ ഓപണ്‍ അലേര്‍ട്ട്, 5 ക്യാമറകള്‍, 5 റഡാറുകള്‍, 12 അള്‍ട്രാസോണിക് സെന്‍സറുകള്‍ എന്നിവ ഉള്‍പ്പടെ നൂതന സേഫ് സ്പേസ് ടെക്‌നോളജിയും സുരക്ഷാ ഉപകരണങ്ങളും EX30 യിലുണ്ട്.
സ്‌കാന്‍ഡിനേവിയന്‍ ഋതുഭേദങ്ങളില്‍നിന്നു പ്രചോദനമുള്‍ക്കൊണ്ട് തയാറാക്കിയ ക്യാബിനിലെ അഞ്ച് ആംബിയന്റ് ലൈറ്റിംഗ് തീമുകളും ശബ്ദസംവിധാനവും വ്യത്യസ്തമായ അനുഭവം സമ്മാനിക്കും. 1040W ആംപ്ലിഫയറും 9 ഹൈ പെര്‍ഫോമന്‍സ് സ്പീക്കറുകളും അടങ്ങിയ പുതിയ ഹാര്‍മന്‍ കാര്‍ഡണ്‍ സൗണ്ട്ബാര്‍, അത്യാധുനിക സറൗണ്ട് സൗണ്ട് അനുഭവം നല്‍കുന്നു. 12.3 ഇഞ്ച് ഹൈ-റെസല്യൂഷന്‍ സെന്റര്‍ ഡിസ്പ്ലേയില്‍ ഗൂഗിള്‍ ബില്‍റ്റ്-ഇന്‍, 5G കണക്റ്റിവിറ്റി, ഓവര്‍-ദി-എയര്‍ (OTA) അപ്ഡേറ്റുകള്‍ എന്നിവ ഉള്‍പ്പെടുന്നു. ഈ ആകര്‍ഷകമായ രൂപകല്‍പ്പനയ്ക്ക് റെഡ് ഡോട്ട് അവാര്‍ഡിലെ ബെസ്റ്റ് ഓഫ് ദ് ബെസ്റ്റ് പ്രോഡക്ട് ഡിസൈന്‍ 2024, വേള്‍ഡ് അര്‍ബന്‍ കാര്‍ ഓഫ് ദി ഇയര്‍ 2024 എന്നിവയുള്‍പ്പെടെയുള്ള അന്താരാഷ്ട്ര അംഗീകാരങ്ങളും ലഭിച്ചിട്ടുണ്ട്.
എട്ടു വര്‍ഷത്തെ ബാറ്ററി വാറന്റിയും വാള്‍ ബോക്‌സ് ചാര്‍ജറും വോള്‍വോ ഉറപ്പുനല്‍കുന്നു. ഡിജിറ്റല്‍ കീ സൗകര്യം ഉപയോഗിച്ച് കാര്‍ സൗകര്യപൂര്‍വം കൈകാര്യം ചെയ്യാം. നിയര്‍ ഫീല്‍ഡ് കമ്യൂണിക്കേഷന്‍ സൗകര്യം ഉപയോഗിച്ച് ഒരു കാര്‍ഡ് ടാപ് ചെയ്‌തോ വോള്‍വോ കാര്‍ ആപ്പിലെ ഡിജിറ്റല്‍ കീ പ്ലസ് ഉപയോഗിച്ച് നിങ്ങളുടെ ഫോണ്‍ കൊണ്ടോ കാര്‍ ഉപയോഗിക്കാം.
ഹസില്‍ ഫ്രീ പാക്കേജിലുള്ളത്:
* 3 വര്‍ഷത്തെ സമഗ്ര കാര്‍ വാറന്റി
* 3 വര്‍ഷത്തെ വോള്‍വോ സര്‍വീസ് പാക്കേജ്
* 3 വര്‍ഷത്തെ റോഡ്സൈഡ് അസിസ്റ്റന്‍സ്
* 8 വര്‍ഷത്തെ ബാറ്ററി വാറന്റി
* ഡിജിറ്റല്‍ സേവനങ്ങള്‍ക്കുള്ള 5 വര്‍ഷത്തെ സബ്സ്‌ക്രിപ്ഷന്‍ ( ‘കണക്റ്റ് പ്ലസ്’)
* 1 വാള്‍ ബോക്‌സ് ചാര്‍ജര്‍ (11 kW) – തേഡ് പാര്‍ട്ടി വഴി
EX30 സിംഗിള്‍ മോട്ടോറിനെപ്പറ്റി
പെര്‍ഫോമന്‍സും സ്‌പെസിഫിക്കേഷനും
* പവര്‍: 272 hp
* ടോര്‍ക്ക്: 343 Nm
* ബാറ്ററി സൈസ്: 69 kWh
* ബാറ്ററി: Li-Ion
* റേഞ്ച് (WLTP): 480 കി.മീ
* ആക്‌സിലറേഷന്‍ (0-100 കി.മീ/മണിക്കൂര്‍): 5.3 സെക്കന്‍ഡ്
* പരമാവധി വേഗത: 180 കി.മീ/മണിക്കൂര്‍
* ട്രാന്‍സ്മിഷന്‍: റിയര്‍ വീല്‍ ഡ്രൈവ് ഓട്ടോമാറ്റിക് ഗിയര്‍ബോക്‌സ്
* ബാറ്ററി വാറന്റി: 8 വര്‍ഷം/160,000 കി.മീ
സുരക്ഷ
* സേഫ് സ്പേസ് ടെക്‌നോളജിയും പോസ്റ്റ് ഇംപാക്റ്റ് ബ്രേക്കിംഗും
* കാല്‍നടയാത്രക്കാരെയും സൈക്ലിസ്റ്റുകളെയും ഇടിക്കാതെ തടയുന്ന ഓട്ടോ എമര്‍ജന്‍സി ബ്രേക്ക്
* ഡ്രൈവര്‍, പാസഞ്ചര്‍ എയര്‍ബാഗുകള്‍, SIPS (സൈഡ് ഇംപാക്റ്റ് പ്രൊട്ടക്ഷന്‍ സിസ്റ്റം), ഇന്റര്‍-സൈഡ് ഡ്രൈവര്‍ സീറ്റ് എയര്‍ബാഗ് എന്നിവ ഉള്‍പ്പെടെ
* ലെയ്ന്‍ കീപ്പിംഗ് എയ്ഡും ബ്ലൈന്‍ഡ് സ്‌പോട്ട് ഇന്‍ഫര്‍മേഷന്‍ സിസ്റ്റവും
* അഡാപ്റ്റീവ് ക്രൂയിസ് കണ്‍ട്രോള്‍
* പാര്‍ക്ക് പൈലറ്റ് അസിസ്റ്റും 360 ഡിഗ്രി ക്യാമറയും
* ഓട്ടോബ്രേക്ക് ഉള്‍പ്പെടുന്ന റിയര്‍ ക്രോസ് ട്രാഫിക് അലേര്‍ട്ട്
* ലെയ്ന്‍ തെറ്റാതിരിക്കാനും കൂട്ടിയിടി ഒഴിവാക്കാനുമുള്ള സംവിധാനം
* ഇന്റര്‍സെക്ഷന്‍ ഓട്ടോബ്രേക്ക്
ഇന്റീരിയര്‍
* ഫിക്‌സഡ് പനോരമിക് സണ്‍റൂഫ്
* എയര്‍ ക്വാളിറ്റി സിസ്റ്റവും എയര്‍ബോണ്‍ പാര്‍ട്ടിക്കിള്‍ മാറ്റര്‍ സെന്‍സറും ഉള്ള ഇലക്ട്രോണിക് 2-സോണ്‍ ക്ലൈമറ്റ് കണ്‍ട്രോള്‍
* പവര്‍ അഡ്ജസ്റ്റബിള്‍, ലംബര്‍ സപ്പോര്‍ട്ടുള്ള ഡ്രൈവര്‍, പാസഞ്ചര്‍ സീറ്റുകളും
* 40/60 സ്പ്ലിറ്റുള്ള മടക്കാവുന്ന പിന്‍സീറ്റുകള്‍
* ഫ്രണ്ട് സ്റ്റോറേജ് (ഫ്രങ്ക്): 7 ലിറ്റര്‍
* ബൂട്ട് സ്പേസ്: 318 ലിറ്റര്‍
* വണ്‍ പെഡല്‍ ഡ്രൈവ് ഓപ്ഷന്‍
* 5 ആംബിയന്റ് ലൈറ്റിംഗ് തീമുകളും ശബ്ദസംവിധാനവും
* നോര്‍ഡിക്കോ അപ്ഹോള്‍സ്റ്ററി
* ടെയ്ലേര്‍ഡ് സ്പോര്‍ട്സ് സ്റ്റിയറിംഗ് വീല്‍ (ചാര്‍ക്കോള്‍)
* ഹാര്‍മന്‍ കാര്‍ഡണ്‍ പ്രീമിയം സൗണ്ട് സിസ്റ്റം (9 സ്പീക്കറുകളുള്ള 1040W സിസ്റ്റം)
* 12.3-ഇഞ്ച് സെന്റര്‍ കണ്‍സോള്‍ ടച്ച് സ്‌ക്രീന്‍ ഡിസ്പ്ലേ
* ഗൂഗിള്‍ ബില്‍റ്റ്-ഇന്‍ (ഗൂഗിള്‍ അസിസ്റ്റന്റ്, ഗൂഗിള്‍ പ്ലേ, ഗൂഗിള്‍ മാപ്സ്) ആപ്പിള്‍ കാര്‍പ്ലേ
* സ്മാര്‍ട്ട്ഫോണുകള്‍ക്കുള്ള ഇന്‍ഡക്റ്റീവ് ചാര്‍ജിംഗ്
* ഡിജിറ്റല്‍ കീ പ്ലസ്, എന്‍എഫ്സി സ്മാര്‍ട്ട് കാര്‍ഡ് കീ
* വലിയ ഡോര്‍ പോക്കറ്റുകളും റിയര്‍ ഫോണ്‍ സ്റ്റോറേജും
* സ്മാര്‍ട്ട്ഫോണിനുള്ള വയര്‍ലെസ് ചാര്‍ജിംഗ്
എക്സ്റ്റീരിയര്‍
* ഹൈ ബീമും ഡേ റണ്ണിങ്ങ് ലൈറ്റുകളും ഉള്ള എല്‍ഇഡി ഹെഡ്ലൈറ്റുകള്‍
* പവര്‍ ഓപ്പറേറ്റഡ് ടെയില്‍ഗേറ്റ്
* 19-ഇഞ്ച് 5-സ്പോക്ക് എയ്റോ വീലുകള്‍
* വോള്‍വോ കാര്‍സ് ആപ്പ്
വോള്‍വോ EX30 ഇലക്ട്രിക് കാര്‍ ബുക്കിംഗ് ആരംഭിച്ചു
About the Author
