വാഹനത്തിൽ അതിതീവ്ര പ്രകാശം പരത്തുന്ന ലൈറ്റ് ഘടിപ്പിച്ച കാർ ഉടമക്കെതിരെ ആർടിഒ നടപടി സ്വീകരിച്ചു.
വടകര കുന്നുമ്മക്കര സ്വദേശി അഭിനന്ദിനെതിരെയാണ് നടപടി. ഇദ്ദേഹത്തിന്റെ ലൈസൻസ് റദ്ദ് ചെയ്ത ആർടിഒ, എടപ്പാളിലെ റോഡ് സുരക്ഷാ പരിശീലന ക്ലാസിൽ പങ്കെടുക്കാൻ അഭിനന്ദിനോട് നിർദേശിക്കുകയും ചെയ്തിട്ടുണ്ട്. അഭിനന്ദിന്റെ ഉടമസ്ഥതയിലുള്ള മാരുതി സെൻ കാറിലാണ് മാറ്റം വരുത്തിയത്.
കാറിന്റെ പുറകുവശത്ത് അനധികൃതമായി ലൈറ്റ് ഘടിപ്പിച്ചതാണ് തെറ്റ്. വാഹനത്തിന്റെ പുറകിൽ വരുന്ന ഡ്രൈവർമാർക്ക് കാഴ്ചക്ക് ബുദ്ധിമുട്ടുണ്ടാക്കുന്ന തരത്തിലുള്ള ലൈറ്റാണ് ഘടിപ്പിച്ചത്. ഇത് സംബന്ധിച്ച് ആർടിഒയ്ക്ക് നേരത്തെ പരാതി ലഭിച്ചിരുന്നു. തുടർന്ന് വടകര ആർടിഒ, പി രാജേഷാണ് അഭിനന്ദിനെതിരെ നടപടിയെടുത്തത്. വരും ദിവസങ്ങളിൽ ഇത്തരത്തിലുള്ള അനധികൃത രൂപമാറ്റങ്ങൾക്കെതിരെ പരിശോധന നടത്തുമെന്ന് അദ്ദേഹം അറിയിച്ചു.
വാഹനത്തില് അതിതീവ്ര പ്രകാശം പരത്തുന്ന ലൈറ്റ്; ഉടമയ്ക്കെതിരെ നടപടി
About the Author
