ബേപ്പൂര് ഇന്റര്നാഷണല് വാട്ടര് ഫെസ്റ്റ് അഞ്ചാം പതിപ്പിന്റെ പ്രചാരണാര്ഥം സംഘടിപ്പിക്കുന്ന ബീച്ച് സ്പോര്ട്സ് മത്സരങ്ങള്ക്ക് നാളെ (ഡിസംബര് 22) തുടക്കമാകും. തിങ്കളാഴ്ച വൈകിട്ട് അഞ്ചിന് ബേപ്പൂര് ബീച്ചില് കബഡി മത്സരത്തോടെയാണ് കായികാവേശത്തിന് തുടക്കമാകുക. പുരുഷ-വനിതാ വിഭാഗങ്ങളിലായി നാലു വീതം ടീമുകളാണ് കളത്തിലിറങ്ങുക. ഒന്നും രണ്ടും സ്ഥാനം നേടുന്നവര്ക്ക് ക്യാഷ് പ്രൈസ് സമ്മാനിക്കും. മത്സരം ജില്ലാ സ്പോര്ട്സ് കൗണ്സില് പ്രസിഡന്റ് പി നിഖില് ഉദ്ഘാടനം ചെയ്യും.
23ന് ബീച്ച് ഫുട്ബോളിനും 24ന് ബീച്ച് വോളിബോളിനും ബേപ്പൂര് വേദിയാകും. ചെസ് മത്സരം, കളരി, കരാട്ടെ, മാര്ഷല് ആര്ട്സ് ഡെമോണ്സ്ട്രേഷന് എന്നിവയും ഉണ്ടാകും.
ഡിസംബര് 26, 27, 28 തീയതികളിലായാണ് ബേപ്പൂര് വാട്ടര് ഫെസ്റ്റ്. ഫെസ്റ്റിന്റെ ഭാഗമായ വിവിധ പരിപാടികള്ക്കും മത്സരങ്ങള്ക്കും ബേപ്പൂര്, ചാലിയം, നല്ലൂര്, രാമനാട്ടുകര, ഫറോക്ക് വി പാര്ക്ക്, നല്ലളം വി പാര്ക്ക്, നല്ലളം അബ്ദുറഹ്മാന് പാര്ക്ക് എന്നിവിടങ്ങളിലാണ് വേദിയൊരുങ്ങുക.
ബേപ്പൂര് വാട്ടര്ഫെസ്റ്റ്: ബീച്ച് സ്പോര്ട്സ് മത്സരങ്ങള്ക്ക് നാളെ തുടക്കം
About the Author
