ഗാന്ധിപുരം ബസ് സ്റ്റാൻഡിന് മുമ്പിൽവെച്ച് ഒളവണ്ണ സ്വദേശിയായ യുവാവ് ബസ്സിനടിയിൽ പെട്ട് മരിച്ചു. ഒളവണ്ണ സഹകരണ ബാങ്കിന് സമീപം സി പി മുഹമ്മദലിയുടെ മകൻ അജ്മൽ (35 ) ആണ് മരിച്ചത്.
നാട്ടിൽ ഡ്രൈവറായി ജോലി ചെയ്തു വരികയായിരുന്നു. ഇന്നലെ രാവിലെയാണ് സംഭവം. സ്വകാര്യ ബസ്സിന്റെ പിൻചക്രത്തിനിടയിൽ പെട്ടാണ് അപകടം. വളവിൽ ബസ് തിരിയുന്നതിനിടെയാകാം അപകടം എന്നാണ് പോലീസ് പറയുന്നത്. മൃതദേഹം കോയമ്പത്തൂർ മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റ്മോർട്ടം നടപടികൾക്ക് ശേഷം മൃതദേഹം ഇന്ന് ബേപ്പൂർ നടുവട്ടം തവളക്കുളത്തെ സഹോദരിയുടെ വീട്ടിലെത്തിക്കും.
മാതാവ് ഹമീദ. ഭാര്യ: ഫിദ. മക്കൾ: ഫാത്തിമ ഐസ, മുഹമ്മദ് ഹീലാൽ. സഹോദരങ്ങൾ: നജ്മുദ്ദീൻ, സമൂറത്ത്.
