കോഴിക്കോട്: കല്ലായി റെയില്‍വേ സ്റ്റേഷന് സമീപം റെയില്‍വേ ട്രാക്കിലിരുന്ന് മദ്യപിച്ച രണ്ടുപേര്‍ ട്രെയിന്‍ ഇടിച്ച് കൊല്ലപ്പെട്ടു. പന്നിയങ്കരയില്‍ രാവിലെ 8.30 ഓടെയാണ് അപകടം. കോഴിക്കോട് നിന്നും ഷൊര്‍ണൂര്‍ ഭാഗത്തേക്ക് പോയ ട്രെയിന്‍ തട്ടിയാണ് അപകടമുണ്ടായത്.
ഉണ്ണിക്കൃഷ്ണന്‍, സുബൈര്‍ എന്നിവരാണ് കൊല്ലപ്പെട്ടത്. ഗുരുതരമായി പരിക്കേറ്റ ഷാഫി കോഴിക്കോട് മെഡിക്കല്‍ കോളെജില്‍ ചികിത്സയിലാണ്. ഷാഫിയും സുബൈറും കൊല്ലം സ്വദേശികളാണ്. സംഭവ സ്ഥലത്തുനിന്നും മദ്യക്കുപ്പിയും ഗ്ലാസും പൊലീസ് കണ്ടെത്തി.
